ՀայերենEnglishРусский

Նորություններ

Պաշտոնական

Հրդեհաշիջման ժամանակ հայտնաբերվել է այրված դի

11-09-2018


Սեպտեմբերի 10-ին ժամը 11:22-ին Մարտունու շրջանային ԱԻ բաժնից տեղեկություն է ստացվել, որ Մարտունու շրջանի Սպիտակաշեն համայնքի տարածքում հրդեհ է բռնկվել և նախնական տվյալներով այրվում է չոր խոտատարածք:

Մարտունու ՀՓՄ-ի 2 հրշեջ մեքենա  մեկնել է դեպքի վայր և սկսել իրականացնել հրդեհաշիջման աշխատանքներ: Հրդեհն արագ մարելու համար դեպքի վայր է մեկնել ևս 2 հրշեջ մեքենա:

Հրդեհաշիջման ժամանակ հրշեջ փրկարարները նռան այգում հայնաբերել են Մարտունու շրջանի Եմիշճան համայնքի բնակիչ Միխայիլ Իվանովի այրված դին:

Նախնական տվյալների համաձայն այրվել է չոր խոտատարածք և թփեր, ինչպես նաև նռան այգի: Հրդեհաշիջմանը մասնակցել է Սպիտակաշեն համայնքի 20 և Եմիշճան համայնքի 10 բնակիչ: