ՀայերենEnglishРусский

Նորություններ

Պատահարներ

ՕՊԵՐԱՏԻՎ ԱՄՓՈՓԱԳԻՐ 22.02.2021թ. ժ. 09:00-ԻՑ ՄԻՆՉԵՎ 23.02.2021թ. ժ.09:00-Ի ԺԱՄԱՆԱԿԱՀԱՏՎԱԾՈՒՄ ԱՐՏԱԿԱՐԳ ՊԱՏԱՀԱՐՆԵՐԻ ՄԱՍԻՆ

23-02-2021


Տեխնածին պատահար

Զինամթերքի հայտնաբերում

              Փետրվարի  22-ին ժամը 11:30-ին  Մարտակերտի շրջանային ԱԻ բաժնի ԱԿ դիսպետչեր, փ/ծ ավագ Է. Հայրապետյանից տեղեկություն է ստացվել, որ  ժամը  11:28-ին Մարտակերտ քաղաքի բնակիչ Մ․ Ա․-ն  հայտնել է, որ ժամը 11:20-ի սահմաններում  նույն քաղաքի Թ. Ավթանդիլյան 23 հասցեում իրեն պատկանող տան բակում հայտնաբերել է  նախնական տվյալներով մեկ միավոր անհայտ տիպի  զինամթերք: Տեղեկությունը ընդունվել է ի գիտություն արձագանքման համար:

             Հաղորդագրությունը փոխանցվել է ԱԻՊԾ ՓՈւՎ  սակրավորական խմբի պետ, փ/ծ փ/գնդապետ Ս. Սարգսյանին արձագանքման նպատակով:

 

Զինամթերքի  ոչնչացում

                Փետրվարի 22-ին ժամը 10:29-ին ԱՀ Հումանիտար ականազերծման կենտրոնի աշխատակից Ա. Հովսեփյանից   տեղեկություն է ստացվել,  որ ժամը 11:10-ին և 11:11-ին, 12:00-ին և  12:01-ին   Ասկերանի շրջանի  Խնածախ  համայնքի  տարանքում  ԱՀ  Հումանիտար ականազերծման կենտրոնի և ՌԴ  Հումանիտար ականազերծման կենտրոնի սակրավորների կողմից իրականացվելու է չորս պայթյուն յուրաքանչյուրը 13 կգ 400 գր տրոտիլի  էկվիվալենտ հզորությամբ հայտնաբերած  տարբեր տեսակի զինամթերքը  ոչնչացնելու նպատակով:

                Հաղորդագրությունը փոխանցվել է ԱՀ ՊԲ, ԱՀ ՆԳՆ ոստիկանության և ԱՀ  ԱԱԾ հերթապահ  մասեր, «The HALO Trust» հումանիտար ականազերծման կազմակերպության աշխատակից  Մ. Իսախանյանին, ԱԻՊԾ Ասկերանի  շրջանային ԱԻ բաժնի ԱԿ:

***

              Փետրվարի 22-ին ժամը 10:50-ին «The HALO Trust» հումանիտար ականազերծման կազմակերպության  աշխատակից  Ա. Գրիգորյանից  տեղեկություն է ստացվել, որ   ժամը 11:50-ին, 12:20-ին, 13:00-ին և 14:30-ին  Մարտունու շրջանի «Կաքավաձոր»  կոչվող տեղանքում  նշված  կազմակերպության սակրավորների կողմից իրականացվելու է չորս պայթյուն  համապատասխանաբար 600 գր, 500գր, 500 գր, 100 տրոտիլի  էկվիվալենտ հզորությամբ հայտնաբերած  տարբեր տեսակի զինամթերքը  ոչնչացնելու նպատակով: Ժամը 13:00-ին Մարտունի քաղաքի տարածքում նշված կազմակերպության սակրավորների կողմից իրականացվելու  է պայթյուն  100 գր տրոտիլի  էկվիվալենտ հզորությամբ հայտնաբերած զինամթերքը՝ մեկ միավոր  կասետային  ռումբ   ոչնչացնելու նպատակով: 

                 Հաղորդագրությունը փոխանցվել է ԱՀ ՊԲ, ԱՀ ՆԳՆ ոստիկանության և ԱՀ  ԱԱԾ հերթապահ  մասեր,  ԱՀ  Հումանիտար   ականազերծման  կենտրոն, ԱԻՊԾ  Մարտունու շրջանային  ԱԻ բաժնի ԱԿ:

***

              Փետրվարի 22-ին  ժամը  10:55-ին  ԱԻՊԾ ՓՈւՎ սակրավորական   խմբի  պետ, փ/ծ  փ/գնդապետ Ս. Սարգսյանից  տեղեկություն է ստացվել, որ  ժամը 10:55-ին  նշված   սակրավորական խումբը  «ՈւԱԶ» մակնիշի  963 vv 01 պ/հ  և «ՈւԱԶ» մակնիշի  առանց  պ/հ ավտոմեքենաներով   մեկնել է Մարտակերտի շրջանի տարածք՝ զինամթերքի ոչնչացման աշխատանքներ իրականացվելու նպատակով: Ժամը 15:15-ին  Մարտակերտ քաղաքի  հարակից  տարածքում նշված սակրավորական խմբի կողմից  իրականացվելու  է  պայթյուն  14 կգ 600 գր տրոտիլի  էկվիվալենտ հզորությամբ (X-4453155,Y-8656282)  հայտնաբերած  զինամթերքը՝ վաթսուն երեք միավոր «Ф-1» տիպի ձեռքի նռնակ, ութ  միավոր «ПГ-7» տիպի նռնականետի նռնակ, երկու միավոր 82 մմ ականանետի ական, մեկ միավոր 150 մմ հրետանու թնդանոթի արկ  ոչնչացնելու նպատակով: Ժամը 16:00-ին նույն տարածքում սակրավորական խմբի կողմից  իրականացվելու  է  պայթյուն 200 գր տրոտիլի  էկվիվալենտ հզորությամբ (X-4453792,Y-8615939)  հայտնաբերած  զինամթերքը՝ հինգ միավոր հրթիռակասետային  ռումբ  ոչնչացնելու նպատակով: Ժամը 17:20-ին  նույն տարածքում սակրավորական խմբի կողմից  իրականացվել  է  պայթյուն 29 կգ տրոտիլի  էկվիվալենտ հզորությամբ (X-4453075,Y-8656313)  հայտնաբերած  զինամթերքը՝ չորս միավոր 152 մմ հրանոթի արկ ոչնչացնելու նպատակով: Ժամը 18:00-ին նույն տարածքում սակրավորական խմբի կողմից  իրականացվելու  է  պայթյուն 1 կգ 920 գր տրոտիլի  էկվիվալենտ հզորությամբ (X-4459048,Y-8653452)  հայտնաբերած  զինամթերքը՝ երեսուն ութ միավոր հրթիռակասետային  ռումբ  ոչնչացնելու նպատակով: Աշխատանքներն  ավարտելուց  հետո սակրավորական խումբը  վերադարձել է ԱԻՊԾ Մարտակերտի շրջանային ԱԻ բաժին` ժամը  18:19-ին:

              Հաղորդագրությունը փոխանցվել է ԱՀ ՊԲ, ԱՀ ՆԳՆ ոստիկանության և ԱՀ  ԱԱԾ հերթապահ  մասեր, «The HALO Trust» հումանիտար ականազերծման կազմակերպության աշխատակից  Ս. Հովսեփյանին , ԱՀ  Հումանիտար   ականազերծման  կենտրոն, ԱԻՊԾ Մարտակերտի շրջանային ԱԻ բաժնի ԱԿ:

 

 Կենցաղային պատահար           

            Փետրվարի  22-ին ժամը  10:17-ին ԱԻՊԾ ՓՈւՎ ՀՓՄ-ի 1-ին պահակախմբի պետ, փ/ծ կապիտան Ս. Ավանեսյանից  տեղեկություն է ստացվել, որ ժամը 10:17-ին ՓՈւՎ ՀՓՄ-ից  «ԿԱՄԱԶ» մակնիշի  052  UU 90 պ/հ  հրշեջ  մեքենան  մեկ մարտական հաշվարկով  մեկնել է Ասկերանի շրջանի Դաշուշեն համայնքի տարածք՝ տեխնիկական օգնություն ցուցաբերելու նպատակով (ջրամատակարարում): Օգնություն ցուցաբերելուց հետո մարտական հաշվարկը վերադարձել է մշտական տեղակայման վայր՝ ժամը 11:42-ին:

***

              Փետրվարի 22-ին ժամը 10:20-ին ԱԻՊԾ ՓՈւՎ ԱԱՀՍ 4-րդ օպերատիվ  խմբի  հրամանատար,  փ/ծ  կապիտան Լ. Դանիելյանից  տեղեկություն է ստացվել,  որ  ժամը 10:20-ին  ՓՈւՎ ԱԱՀՍ հերթապահ օպերատիվ խումբը «ՈւԱԶ»  մակնիշի  N2  առանց  պ/հ ավտոմեքենայով  մեկնել է Ստեփանակերտ քաղաքի Ա. Առաքելյանի  փողոց՝ տեխնիկական օգնություն ցուցաբերելու նպատակով: Օգնություն ցուցաբերելուց հետո փրկարարները վերադարձել են մշտական տեղակայման վայր՝ ժամը 10:32-ին:

***

             Փետրվարի  22-ին ժամը  14:15-ին ԱԻՊԾ ՓՈւՎ ՀՓՄ-ի 1-ին պահակախմբի պետ, փ/ծ կապիտան Ս. Ավանեսյանից  տեղեկություն է ստացվել, որ ժամը 14:15-ին ՓՈւՎ ՀՓՄ-ից  «ԿԱՄԱԶ» մակնիշի  052  UU 90 պ/հ  հրշեջ մեքենան մեկ մարտական հաշվարկով  մեկնել է Ասկերանի շրջանի Ստեփանակերտ քաղաքի «Զարին բաղ» կոչվող տեղանք՝ տեխնիկական օգնություն ցուցաբերելու նպատակով (ջրամատակարարում): Օգնություն ցուցաբերելուց հետո մարտական հաշվարկը վերադարձել է մշտական տեղակայման վայր՝ ժամը 17:50-ին:

***

              Փետրվարի  22-ին  ժամը 23:49-ին  «Ստեփանակերտի շտապ բժշկական օգնության կայան» ՓԲԸ դիսպետչեր Ա. Խաչատրյանից   տեղեկություն է ստացվել, որ Ստեփանակերտ քաղաքի  Մ. Մաշտոցի  3 բն. 12  հասցեից հիվանդ Ս․ Բ․-ին (ծնվ.1980թ.) «Հանրապետական բժշկական կենտրոն»  ՓԲԸ  տեղափոխելու համար  անհրաժեշտ է փրկարարների օգնությունը: Ժամը 23:51-ին ՓՈւՎ ԱԱՀՍ հերթապահ օպերատիվ խումբը «ՈւԱԶ»  մակնիշի   N8 առանց  պ/հ ավտոմեքենայով մեկնել է նշված կանչի վայր օգնություն  ցուցաբերելու  նպատակով:  Օգնություն ցուցաբերելուց  հետո  հերթապահ օպերատիվ խումբը վերադարձել է մշտական տեղակայման վայր՝ 23.02.2021թ. ժամը 00:12-ին:

                                                                                                                                                                   

Ճանապարհները ԱՀ և ՀՀ տարածքում         

             ԱՀ և ՀՀ տարածքում ավտոճանապարհներն  հիմնականում  անցանելի են, տեղ-տեղ առկա է մերկասառույց: ՀՀ տարածքում կան դժվարանցանելի  և փակ ավտոճանապարհներ: