Նորություններ

Պատահարներ

ՕՊԵՐԱՏԻՎ ԱՄՓՈՓԱԳԻՐ ԱՐՏԱԿԱՐԳՊԱՏԱՀԱՐՆԵՐԻ ՄԱՍԻՆ 11.01.2022թ. ժ. 09:00-ԻՑ ՄԻՆՉԵՎ 12.01.2022թ. ժ. 09:00-Ի ԺԱՄԱՆԱԿԱՀԱՏՎԱԾՈՒՄ

11-01-2022


Տեխնածին պատահարներ

Հրդեհ

Հունվարի 11-ին ժամը 12:25-ին Մարտակերտի  շրջանային  ԱԻ  բաժնի  ԱԿ դիսպետչեր, փ/ծ ավ. ենթ. Լ.Գյուրջյանից տեղեկություն է ստացվել, որ ժամը 12:19-ին ահազանման կենտրոն զանգ է ստացվել Մարտակերտի շրջանի Ճանկաթաղ համայնքի տարածքում բռնկված հրդեհի մասին: Նախնական տվյալներով այրվում է ավտոմեքենա: Ժամը 12:20-ին Մարտակերտի ՀՓՄ-ից «Ուրալ» մակնիշի 976vv01 պ/հ  հրշեջ  մեքենան  մեկ  մարտական հաշվարկով  մեկնել է կանչի վայր, որը տեղ է հասել ժամը 12:35-ին: Հրդեհը մեկուսացվել է ժամը 12:36-ին, մարվել` ժամը 12:55-ին: Հրդեհը մարելուց հետո մարտական հաշվարկը վերադարձել է մշտական տեղակայման վայր՝ ժամը 13:30-ին:

Ըստ Մարտակերտի  շրջանային  ԱԻ  բաժնի  ԱԿ դիսպետչեր, փ/ծ ավ. ենթ. Լ.Գյուրջյանից ստացված տեղեկության`նախնական տվյալներով այրվել է Մարտակերտի շրջանի Ճանկաթաղ համայնքի բնակիչ Մ. Հ. Մ-ին (1974 թ. ծնվ.) պատկանող «Օպել» մակնիշի ավտոմեքենայի շարժիչի խցիկը՝ մասնակի:

Հաղորդվել է ԱՀ ՆԳՆ ոստիկանության և  ԱՀ  ԱԱԾ հերթապահ մասեր:

Դեպքի առթիվ ստուգում  է  իրականացնում ՊՀ և ՏԱ տեսչությունը:

                                                             ***

Հունվարի 11-ին ժամը 23:34-ին Ստեփանակերտի քաղաքային ոստիկանության կ-ն Գ. Ս-ից ահազանգ է ստացվել, որ Ստեփանակերտ քաղաքի Դ.Բեկ փողոցում հրդեհ է բռնկվել, նախնական տվյալներով այրվում է աղբ: Ժամը 23:35-ին ՓՈւՎ ՀՓՄ-ից «Ռենո» մակնիշի 956vv01 պ/հ հրշեջ մեքենան մեկ մարտական հաշվարկով  մեկնել է կանչի վայր, որը տեղ է հասել ժամը 23:42-ին: Հրդեհը մեկուսացվել է ժամը 23:47-ին, մարվել` ժամը 23:49-ին: Հրդեհը մարելուց հետո մարտական հաշվարկը  վերադարձել է մշտական տեղակայման վայր՝ ժամը 00:14-ին:

Ըստ ՓՈւՎ ՀՓՄ-ի 4-րդ պահակախմբի պետ, փ/ծ կ-ն Մ.Մելքումյանից ստացված տեղեկության`նախնական տվյալներով այրվել է աղբարկղի մեջի աղբը:

Դեպքի առթիվ ստուգում  է  իրականացնում ՊՀ և ՏԱ տեսչությունը:

Զինամթերքի հայտնաբերում և ոչնչացում

Հունվարի 11-ին ժամը 09:05-ին Մարտունու շրջանային ԱԻ բաժնի ԱԿ դիսպետչեր, փ/ծ ավ. ս-նտ Մ.Չալյանից տեղեկություն է ստացվել, որ ժամը 08:40-ին Մարտունու շրջանի Մաճկալաշեն  համայնքի բնակիչ Լ. Ա-ն նույն համայնքի տարածքում հայտնաբերել է նախնական տվյալներով մեկ միավոր կասետային ավիառումբ: Ժամը 09:45-ին Մարտունու ՀՓՄ-ից սակրավորական խումբը «ՈՒԱԶ» մակնիշի 985vv01 պ/հ ավտոմեքենայով մեկնել է կանչի վայր և ժամը 10:55-ին իրականացրել պայթյուն՝ 160 գ տրոտիլի էկվիվալենտ հզորությամբ: Աշխատանքներն ավարտելուց  հետո սակրավորական խումբը ուղևորվել է Մարտունու շրջանի Թաղավարդ համայնքի տարածք (զինամթերքի ոչնչացում):

Հաղորդագրությունը  փոխանցվել է ԱՀ ՊԲ, ԱՀ ՆԳՆ ոստիկանության, ԱՀ  ԱԱԾ և «The HALO Trust» հումանիտար ականազերծման կազմակերպության հերթապահ մասեր:

                                                                   *** 

Հունվարի 11-ին ժամը 09:06-ին Մարտունու շրջանային ԱԻ բաժնի ԱԿ դիսպետչեր, փ/ծ ավ. ս-նտ Մ.Չալյանից տեղեկություն է ստացվել, որ ժամը 08:30-ին Մարտունու շրջանի Կարմիր Շուկա  համայնքի բնակիչ Հ. Ա. Թաղավարդ համայնքի տարածքում հայտնաբերել է նախնական տվյալներով երկու միավոր կասետային ավիառումբ: Ժամը 11:10-ին Մարտունու շրջանի սակրավորական խումբը Մարտունու շրջանի Մաճկալաշեն համայնքի տարածքից  «ՈՒԱԶ» մակնիշի 985vv01 պ/հ ավտոմեքենայով ուղևորվել է կանչի վայր և ժամը 12:15-ին և ժամը 13:10-ին իրականացրել երկու պայթյուն յուրաքանչյուրը՝ 160 գ տրոտիլի էկվիվալենտ հզորությամբ: Աշխատանքներն ավարտելուց հետո սակրավորական խումբը վերադարձել է մշտական տեղակայման վայր՝ ժամը14:15-ին:

Հաղորդագրությունը  փոխանցվել է ԱՀ ՊԲ, ԱՀ ՆԳՆ ոստիկանության, ԱՀ  ԱԱԾ և «The HALO Trust» հումանիտար ականազերծման կազմակերպության հերթապահ մասեր:

Զինամթերքի  ոչնչացում

Հունվարի 11-ին ժամը 10:06-ին ԱՀ Հումանիտար ականազերծման կենտրոնի աշխատակից Վ.Թ-ից տեղեկություն է ստացվել, որ նույն կենտրոնի սակրավորների կողմից Մարտակերտի շրջանի ԴՈւԿ-ի տարածքում ժամը 12:30-ին և ժամը 14:30-ին իրականացվելու է երկու պայթյուն՝ յուրաքանչյուրը 25 կգ տրոտիլի  էկվիվալենտ հզորությամբ:

Հաղորդագրությունը փոխանցվել է ԱՀ ՊԲ,ԱՀ ԱԱԾ,ԱՀ ՆԳՆ ոստիկանության, «The HALO Trust» հումանիտար ականազերծման կազմակերպության հերթապահ մասեր և Մարտակերտի  շրջանային ԱԻ բաժնի ԱԿ:

                                                                   ***

Հունվարի 11-ին ժամը 10:07-ին ԱՀ Հումանիտար ականազերծման կենտրոնի աշխատակից Վ.Թ-ից տեղեկություն է ստացվել, որ նույն կենտրոնի սակրավորների կողմից Ասկերանի շրջանի Բերքաձոր համայնքի տարածքում ժամը 15:00-ին իրականացվելու է պայթյուն՝ 10 կգ տրոտիլի  էկվիվալենտ հզորությամբ:

Հաղորդագրությունը փոխանցվել է ԱՀ ՊԲ,ԱՀ ԱԱԾ,ԱՀ ՆԳՆ ոստիկանության, «The HALO Trust» հումանիտար ականազերծման կազմակերպության հերթապահ մասեր և Ասկերանի  շրջանային ԱԻ բաժնի ԱԿ: 

 Բնածին պատահարներ

Հրդեհներ

Հունվարի 11-ին ժամը 09:35-ին Մարտակերտի  շրջանային  ԱԻ  բաժնի  ԱԿ դիսպետչեր, փ/ծ ավ. ենթ. Լ.Գյուրջյանից տեղեկություն է ստացվել, որ ժամը 09:34-ին ահազանգման կենտրոն զանգ է ստացվել Մարտակերտի շրջանի Կիչան համայնքի տարածքում բռնկված հրդեհի մասին: Նախնական տվյալներով անտառային զանգվածում այրվում է չոր խոտատարածք: Ժամը 09:35-ին Մարտակերտի ՀՓՄ-ին կից Առաջաձորի ՀՓՋ-ից «Ուրալ» մակնիշի 950vv01 պ/հ  հրշեջ  մեքենան  մեկ  մարտական հաշվարկով  մեկնել է կանչի վայր, որը տեղ է հասել ժամը 09:55-ին:  Ըստ Մարտակերտի  շրջանային  ԱԻ  բաժնի  ԱԿ դիսպետչեր, փ/ծ ավ. ենթ. Լ.Գյուրջյանից ստացված տեղեկության հրդեհը շարունակվում է անանցանելի տարածքում, ինչի պատճառով մարտական հաշվարկը վերադարձել է մշտական տեղակայման վայր՝ ժամը 14:15-ին:        

Կենցաղային պատահարներ

Հունվարի 11-ին  ժամը 14:53-ին «Ստեփանակերտի շտապ բժշկական օգնության կայան»  ՓԲԸ դիսպետչեր Լ.Հ-ից ահազանգ է ստացվել, որ վատառողջ Մ. Բ-ն  (1958 թ. ծնվ.) Ստեփանակերտ քաղաքի Բաղրամյան 1 նրբ. հասցեից «Հանրապետական բժշկական կենտրոն» ՓԲԸ տեղափոխելու համար անհրաժեշտ է փրկարարների օգնությունը: Ժամը 14:54-ին ԱԱՀՍ հերթապահ օպերատիվ խումբը «ՈՒԱԶ» մակնիշի 969vv01 պ/հ ավտոմեքենայով մեկնել է կանչի վայր և ցուցաբերել օգնություն: Օգնություն ցուցաբերելուց հետո հերթապահ օպերատիվ խումբը  վերադարձել է մշտական տեղակայման վայր՝ ժամը 15:36-ին:

                                                                   *** 

Հունվարի 12-ին  ժամը 00:37-ին «Ստեփանակերտի շտապ բժշկական օգնության կայան»  ՓԲԸ դիսպետչեր Լ.Հ-ից ահազանգ է ստացվել, որ վատառողջ  Ա. Խ-ն   (1942 թ. ծնվ.) Ստեփանակերտ քաղաքի Հեքիմյան 6Ա հասցեից «Հանրապետական բժշկական կենտրոն» ՓԲԸ տեղափոխելու համար անհրաժեշտ է փրկարարների օգնությունը: Ժամը 00:38-ին ԱԱՀՍ հերթապահ օպերատիվ խումբը «ՈՒԱԶ» մակնիշի 969vv01 պ/հ ավտոմեքենայով մեկնել է կանչի վայր օգնություն ցուցաբերելու նպատակով: Մինչև կանչի վայր ժամանելը պարզվել է, որ վատառողջը հրաժարվեց հոսպիտալացումից: Վերադարձ մշտական տեղակայման վայր՝ ժամը 00:42-ին: 

Որոնողափրկարարական աշխատանքներ

Հունվարի 11-ին ժամը 09:09-ին ԱԻՊԾ ՓՈւՎ ԱԱՀՍ 3-րդ օպերատիվ խմբի   հրամանատար, փ/ծ կ-ն Ս.Ալեքսանյանից   տեղեկություն է ստացվել, որ ժամը 09:09-ին ՓՈւՎ  ԱԱՀՍ փրկարարները և սակրավորները «ՈւԱԶ» մակնիշի 613vv01 պ/հ ավտոմեքենանյով մեկնել են Ֆիզուլի տեղանք՝ որոնողական աշխատանքներ իրականացնելու նպատակով: Վերադարձ՝ ժամը 12:37-ին: