Նորություններ

Պաշտոնական

Ստեփանակերտում հարգանքի տուրք են մատուցել Մեծ Հայրենականում և Արցախյան պատերազմներում նահատակվածների հիշատակին

09-05-2023



Արցախի Հանրապետության նախագահ Արայիկ Հարությունյանը, կառավարության անդամների, բարձրաստիճան զինվորականների ու հազարավոր արցախցիների ուղեկցությամբ մայիսի 9-ին այցելել է Ստեփանակերտի հուշահամալիր, հարգանքի տուրք մատուցել Մեծ Հայրենականում և մեր հայրենիքի ազատության համար մղված պատերազմներում նահատակված հերոսների հիշատակին։

ՆԳ նախարար Կարեն Սարգսյանն ու համակարգի մի խումբ ծառայողներ, արժևորելով անցյալի հաղթանակները, ծաղիկներ են խոնարհել Մեծ Հայրենականում հաղթանակ կերտած հերոսների, Շուշիի ազատարարների և Արցախի ազատագրական պայքարի ընթացքում անմահացած քաջորդիների հիշատակը հավերժացնող հուշարձանին։

Այնուհետև Ստեփանակերտի Աստվածամոր Սուրբ Հովանի առաջնորդանիստ Տաճարում կատարվել է հոգեհանգստյան կարգ` ի հիշատակ Հայրենիքի ազատության պատերազմներում նահատակված հերոսների: